Экспэдыцыя Вацлава Ластоўскага 1928 году
захаваная спадчына

Рыхтуецца да выхаду ў красавіку 2024 г.Набыць рэпрадукцыі

Дыхтоўны альбом адкрывае чытацтву ўнікальную калекцыю фотаматэрыялаў, сабраных этнаграфічнай экспэдыцыяй пад кіраўніцтвам Вацлава Ластоўскага на Случчыне і Мазыршчыне. У ёй прадстаўленыя выявы з арыгінальнага альбома экспэдыцыі 1928 г., які захоўваецца ў Бібліятэцы і музэі імя Францішка Скарыны ў Лёндане.

Вечарам меў мажлівасць пазнаёміцца з масіўным альбомам, пераплеценым у чырвоны аксаміт. У ім знаходзіцца каля трохсот фатаграфій, зробленых удзельнікамі этнаграфічнай экспедыцыі на Случчыну ў канцы 20-х гадоў. Дзякуючы гэтым здымкам захаваліся ўзоры народнага адзення, дойлідства. Зафіксаваны творы мастацтва, рэчы хатняга ўжытку. Бясцэнны скарб для гісторыкаў культуры! (Адам Мальдзіс "З літаратуразнаўчых вандраванняў")