DOM: паэзія выгнання
Сяржук Сыс
Набыць папяровую вэрсію або электронную: Apple, Google, Kobo
e-ISBN 978-1-915601-30-8
135 стар., мяккая вокладка
Кніга вершаў “DOM” — гэта паэтычны экскурс у няпростыя часы, якія закранулі Беларусь пасля 2020 года, тонкія псіхалагічныя экспрэсіі аўтара пра ўцёкі з радзімы праз пяць краін, пачатак расійскай агрэсіі ва Украіне, спроба асэнсавання рэчаіснасці ды пошукі новага месца ў жыцці.
У прэсе
"Кніга пісалася апошнія тры гады ў розных краінах, у розных месцах. І таму, калі я канцэптуальна ствараў гэтую кнігу паэзіі, я стараўся наўмысна пазначаць і даты, і месцы, дзе напісана. І для мяне яна – кніга-дзённік, хіба што паэтычны. Там можна паглядзець эвалюцыю, якую я перажыў ад часу майго выгнання з Беларусі ў ліпені 2021 года: тыя месцы, дзе я жыў, мае эмоцыі, мае перажыванні. Атрымаўся паэтычны эмацыйны партрэт той рэчаіснасці, у якой я быў." (РадыёЎнэт)
“DOM” Сяржука Сыса: паэтычная хроніка беларускага выгнанніка (Вясна, студзень 2024)
Дом – гэта там, дзе мне добра з людзьмі (Homeldays, студзень 2024)
Дзёньнікі ўцёкаў зь Беларусі. (Радыё Свабода, люты 2024)
* * *
Метафарычны нерв і сюжэтнае напружанне не адпускаюць чытача ад вершаваных строф Сержука Сыса. (Леанід Галубовіч)
Сяржук Сыс здолеў перадаць праз сцігмы вершаў нярвовае трапятанне сваёй душы. Жыццё, думкі, пачуцці, каханне і горыч адстойваюцца, набіраюць водар і ператвараюцца ў гаркавае, ці салодкае, ці сухое каштоўнае віно вершаў. (Алесь Бяляцкі)
Сяржук Сыс — паэт, праваабаронца, журналіст і перакладчык.
У цэнтральным друку дэбютаваў у 1986 годзе паэтычнай падборкай у часопісе “Маладосць”. Быў сябрам Таварыства маладых літаратараў “Тутэйшыя”. Друкаваўся ў рэспубліканскіх і замежных выданнях; аўтар шматлікіх калектыўных зборнікаў і анталогій, а таксама кніг паэзіі “За трапяткім матыльком кахання” (2000 г.), “Стрэмка” (2011) і “Павук” (2014). Лаўрэат прэміі “Зала ты апостраф” (2008), пераможца Мінскага фестывалю аднаго верша (2009). Творы перакладаліся на дзясяткі еўрапейскіх моў.
Па прычыне крымінальнага пераследу ў Беларусі з-за праваабарончай дзейнасці быў вымушаны пакінуць краіну.
