Вечарыны ў Тбілісі
19 – 21 лютага 2023
Дзень роднай мовы
21 лютага ў свеце адзначаецца Міжнародны дзень роднай мовы. Запрашаем адсвяткаваць яго чытаннем паэзіі.
Прыносьце з сабой верш на любой мове, якім бы вы хацелі падзяліцца з іншымі, і калі маеце дзяцей, дапамажыце ім прачытаць верш таксама. А таксама прыходзьце проста паслухаць іншых.
Таксама ў праграме:
Ігар Іваноў з выдавецтва“Скарына” распавядзе пра даўнюю і багатую традыцыю беларускага кнігадруку ў Брытаніі і чаму якраз цяпер спрыяльны час ствараць беларускія кнігі.
Уладзіслаў Гарбацкі, пісьменьнік і перакладнік з Вільні, распавядзе пра свае творы і пераклады, у тым ліку - нобэлеўскай ляўрэаткі Ані Эрно і Агатангела Крымскага (намінаваны на прэмію за лепшы пераклад украінскай літаратуры на замежныя мовы).
На вечарыне можна будзе таксама набыць кнігі выдавецтва «Скарына».
Удзел вольны.
Калі: 21 лютага 18:30-21:00.
Дзе: Тбілісі, 500м от плошчы Свабоды (адрас дашлем усім зарэгістраваным)
А перад тым:
Ці ведалі вы, што Вікіпэдыю можа рэдагаваць любы чалавек?
Але для гэтага ёсць свае правілы і нормы. Пра самыя асноўныя з іх мы й пагаворым на воркшопе і зробім першыя крокі для таго, каб узбагаціць Вікіпэдыю ўласнымі ведамі.
Вядоўца – Ігар Іваноў, стваральнік вікіпэдыйнай суполкі ў Лёндане.
Удзел вольны.
Дзе: 19 лютага 17:00-20:00
Месца: Тбілісі, 500м от плошчы Свабоды (адрас дашлем усім зарэгістраваным)
На воркшоп пажадана прынесці з сабой ноўбук ці пляншэт. Занятак будзе па-беларуску, але рэдагаваць Вікіпэдыю можна й на іншых мовах.
Клуб «Мова Нанова» у Тбілісі. Тэма сустрэчы - традыцыйная беларуская лаянка.
Госць сустрэчы – Уладзіслаў Гарбацкі, сацыялінгвіст, пісьменьнік і перакладнік з Вільні.
Уладзіслаў далучыцца да сустрэчы, каб паказытаць нас сваімі знаходкамі для слоўніка нецэнзурнай лексікі. Яна і багатая, і вясёлая, бо беларусы ня столькі мацюкаліся, колькі брахаліся. Дык калі ўжо брахацца, то па-беларуску!
А заадно мы спытаем Уладзіслава пра бягухаў, аўтарак і прэзідэнтак, бо ў свой час менавіта ён стварыў першую па-сапраўднаму папулярную кнігу пра аўтэнтычныя для беларускай мовы фэмінітывы, якія ўжо не здзіўляюць нас так, як дзесяць гадоў таму.
Падчас сустрэчы рыхтуйцеся да інтэрактыву: вас чакаюць словатворчыя гульні, сацыялінгвістычныя апытанкі, а яшчэ шмат смеху.
Удзел вольны.
Калі: 20 лютага 19:00-21:00
Дзе: Тбілісі, 500м от плошчы Свабоды (адрас дашлем усім зарэгістраваным)
Рэгістрацыя ў Тэлеграме да @kropkawork