Вечарына ў Лёндане
25 лістапада 2022
Ад імя Скарынаўскай бібліятэкі вечарыну прывітала Караліна Мацкевіч, сябра Апякунскай рады
Кіраўнік выдавецтва Ігар Іваноў распавёў пра гісторыю беларускага кнігадруку ў Лёндане – ад Яна зь Літвы да тамвыдату ХХ стаг.
Старэйшая навуковая супрацоўніца Нацыянальнае бібліятэкі Ўкраіны Надзія Стрышэнэць распавяла пра Агатангела Крымскага, аўтара першае кнігі выдавецтва Скарына.
З Уладзіславам Гарбацкім мы размаўлялі пра ягоныя пераклады Агатангела Крымскага і Ані Эрно, і пра ягоную новую кнігу "Mercks Graz!"
Абвестка
Калі: пятніца 25 лістапада а 19:00
Дзе: Скарынаўская бібліятэка, 37 Holden Road, London, N12 8HS
Калі ласка, зарэгіструйцеся
Запрашаем на вечарыну адсьвяткаваць нараджэньне ў Лёндане беларускага выдавецтва!
Першым выданьнем "Скарыны" стала жыцьцярадасная кніга клясыка ўкраінскай літаратуры Агатангела Крымскага “Бэйруцкія апавяданьні” у цудоўным беларускім перакладзе.
У вечарыне возьмуць удзел:
перакладнік “Бэйруцкіх апавяданьняў” Уладзіслаў Гарбацкі,
сябры рэдакцыйнай калегіі,
старэйшая навуковая супрацоўніца Нацыянальнай бібліятэкі Ўкраіны Надзія Стрышэнэць.
Мы пагаворым пра:
беларускі кнігадрук у Лёндане,
Агатангела Крымскага і чаму ён сёньня важны як для Ўкраіны, так і для Беларусі,
набэлістку Ані Эрно, бо наш рэдактар У. Гарбацкі - аўтар адзінага перакладу на беларускую мову аднаго зь ейных твораў.
Вас чакае цікавая гутарка, будуць прадавацца новыя і старыя кнігі, раздавацца аўтографы і разьлівацца смачнае віно. А таксама - калядны кірмаш ад беларускага брэнду Loom & Bloom!
А хто яшчэ ня бачыў выставы “Няскораныя”, змогуць далучыцца да куратарскага туру па выставе.
Уваход задарма, ахвяраваньні на Скарынаўскую бібліятэку вітаюцца. Калі ласка, зарэгіструйцеся!